興隆車仔麵 (已結業)

到此店兩次, 一次見到麵店有 price list, 麵呀, '送'呀, 全都有價錢, 好, 咁我叫三送麵啦, 加埋$22 左右, 殊不知佢話一定要叫 set, 即係有野飲送, 吓, 我話, 我唔飲野, 又唔想飲你地既湯, 咁都要$26? (外賣再加一蚊). 咁我話, 即係最低消費係$26 啦 ~ 佢話係...............今次又去啦, 老公去買, 點知佢以為我只係叫送, 唔叫麵, 好彩我都未走, 即刻攞番碗送叫佢加番個麵啦, 點知個女人又話喇, '要加十蚊' 我話, '一個麵要十蚊?' 佢同我講, '因為個送係剩送, 比多左既, 所以唔可以加番麵$, 要加十蚊, 最多我比啲菜你 ' 吓, 我覺得, 我係 consumer, 你可以減番啲送姐, 又要加我十蚊, 咩都咁 rigid, 一啲彈性都冇, 老實講, 同場全部都二十幾蚊有幾送飯, 你啲車仔麵都勉強啦 ! 仲咁有堅持, 咩都唔得, 大佬, 你估我會唔會再幫襯你第三次呀!!