影片
更多
2010-11-25
199 瀏覽
9月18日, 夜晚一心想食個雲南米線, 想起近灣仔嗰頭有一間. 唔係喺大街, 不過經過過兩三次, 入面都係水靜鵝飛. 本身唔係太有期望, 今晚入到嚟亦係一枱客都冇, 入面2個店員都喺度吹緊水~::: 招牌豬扒酸辣四川粉 + 凍奶茶 ::: $29 + $6作為招牌, 梗要試一試~ 豬扒切咗件上, 略嫌太碎身, 應該係用香茅醃過, 都幾入味, 肉身又唔會太韌, 有咬口~ 本身唔太鍾意淋pat pat嘅米線, 索咗湯仲有d滯滯膩膩感. 今次d四川粉又未食過, 估唔到又幾好食, 爽口得嚟又幾彈牙wor~ 湯底唔夠酸辣, 反而有麻辣味? 酸菜唔夠酸亦落唔到湯底, 所以湯底清得嚟有少少麻… 對於唔太好麻辣嘅我就麻麻地…凍奶茶嘅奶味比較多, 可以中和一下辣味嘅…::: 香茅豬頸肉涼拌紅薯粉 ::: $33都幾大堆頭嘅一碟~ 豬頸肉大大件厚切, 炸得好香! 肉質有彈性, 略嫌有少少過實, 但香茅味足, 豬味新鮮~ 確係唔錯! d紅薯粉超煙韌又彈牙~ 夠晒Q~ 但因為太滑身基本上無乜咬過就直吞落肚喇! 個涼伴醬汁係芝麻花生醬… 本來味道唔差, 但麻油落得太多, 令個汁好膩… 食完好滯!一路食下都見到佢
::: 招牌豬扒酸辣四川粉 + 凍奶茶 ::: $29 + $6
作為招牌, 梗要試一試~ 豬扒切咗件上, 略嫌太碎身, 應該係用香茅醃過, 都幾入味, 肉身又唔會太韌, 有咬口~ 本身唔太鍾意淋pat pat嘅米線, 索咗湯仲有d滯滯膩膩感. 今次d四川粉又未食過, 估唔到又幾好食, 爽口得嚟又幾彈牙wor~ 湯底唔夠酸辣, 反而有麻辣味? 酸菜唔夠酸亦落唔到湯底, 所以湯底清得嚟有少少麻… 對於唔太好麻辣嘅我就麻麻地…
凍奶茶嘅奶味比較多, 可以中和一下辣味嘅…
::: 香茅豬頸肉涼拌紅薯粉 ::: $33
都幾大堆頭嘅一碟~ 豬頸肉大大件厚切, 炸得好香! 肉質有彈性, 略嫌有少少過實, 但香茅味足, 豬味新鮮~ 確係唔錯! d紅薯粉超煙韌又彈牙~ 夠晒Q~ 但因為太滑身基本上無乜咬過就直吞落肚喇! 個涼伴醬汁係芝麻花生醬… 本來味道唔差, 但麻油落得太多, 令個汁好膩… 食完好滯!
一路食下都見到佢地有外賣生意, 不過堂食就真係慘, 咁樣係唔會吸引到人. 本身座位唔多, 仲要冇人, 俾我喺出面見到有幾想食都怕怕啦.
張貼
