影片
更多
2019-03-29
401 瀏覽
旺角行街，搵間唔係集團食市越黎越難，女人街兩邊仲有好多小店，忽然想食韓式，但唔係韓燒。行過比個menu 相吸引左。韓式唔食韓燒，就離不開石頭鍋飯、辣豆腐湯飯、部隊鍋、飯卷等等。因唔算太餓，簡單叫左海鮮辣豆腐湯飯、牛肋骨湯飯同鐵板炒三式-豬、牛、雞。一般韓式都先上前菜，黎到都一樣，但除左泡菜係韓式，其餘兩款芽菜同魚片直情可以話係港式。首先上既係鐵板炒豬牛雞。心諗咁快既？！感覺就似大X樂，你叫乜，就係扒爐執上碟一樣咁快！鐵板上，都預塊鐵板係做樣唔會熱得去邊，但原來仲可以係凍。牛，係一般肥牛，碎上，份糧係最少。雞，有4件雞球。豬既份糧有半件豬扒既份糧。但味道就一般中式菜一樣，豉油、蠔油味，洋蔥仲生。牛肋骨湯飯。味道唔錯，湯底唔喊，仲有4件牛肋骨，菜底都唔少。不過碗飯就唔多熱。再黎海鮮辣豆腐湯飯。一上枱，個湯紅到唔可以再紅，心諗一定勁辣，一試，不出所料，好辣，但成個湯都係得個辣字，又完全唔足料！得一兩粒碎左既「蜆仔」、兩條切細到無可再細既魷魚鬚、半塊豆腐、雞蛋、芽菜同黃芽白。唔知以為大厨唔記得放材料，定傳菜上錯素菜湯飯。價錢唔係貴，鐵板、湯飯@$7x，但唔值。是晚仲有好笑野，隔離枱三個大男人，
韓式唔食韓燒，就離不開石頭鍋飯、辣豆腐湯飯、部隊鍋、飯卷等等。因唔算太餓，簡單叫左海鮮辣豆腐湯飯、牛肋骨湯飯同鐵板炒三式-豬、牛、雞。
一般韓式都先上前菜，黎到都一樣，但除左泡菜係韓式，其餘兩款芽菜同魚片直情可以話係港式。
18 瀏覽
0 讚好
0 留言
首先上既係鐵板炒豬牛雞。心諗咁快既？！感覺就似大X樂，你叫乜，就係扒爐執上碟一樣咁快！鐵板上，都預塊鐵板係做樣唔會熱得去邊，但原來仲可以係凍。牛，係一般肥牛，碎上，份糧係最少。雞，有4件雞球。豬既份糧有半件豬扒既份糧。但味道就一般中式菜一樣，豉油、蠔油味，洋蔥仲生。
38 瀏覽
0 讚好
0 留言
牛肋骨湯飯。味道唔錯，湯底唔喊，仲有4件牛肋骨，菜底都唔少。不過碗飯就唔多熱。
牛肋骨湯飯
32 瀏覽
0 讚好
0 留言
再黎海鮮辣豆腐湯飯。一上枱，個湯紅到唔可以再紅，心諗一定勁辣，一試，不出所料，好辣，但成個湯都係得個辣字，又完全唔足料！得一兩粒碎左既「蜆仔」、兩條切細到無可再細既魷魚鬚、半塊豆腐、雞蛋、芽菜同黃芽白。唔知以為大厨唔記得放材料，定傳菜上錯素菜湯飯。
海鮮辣豆腐湯飯
55 瀏覽
0 讚好
0 留言
價錢唔係貴，鐵板、湯飯@$7x，但唔值。
是晚仲有好笑野，隔離枱三個大男人，亞姐幫佢地落單，當時無為意人地叫左乜，等左陣上左個石頭鍋飯，其中一個男食左半，其餘兩男先覺得奇怪未有得食，先追問。問又問得攪笑「點解得一個？」亞姐又答得趣緻「叫一個，上一個」，來來往往幾句，先知原來人地叫三個石頭鍋飯，但亞姐聽錯只落左一個。我地就諗，點解落單時，亞姐唔多問下其餘兩個大男人食乜？成半個鐘都唔落單又唔追問下既？雖無話最底消費，唔通黎到都慣左比人唔食野任坐？？
張貼
