Sky726

煙三文魚沙律本身見到個價錢都有啲猶豫應唔應該嗌，但係一上到黎嘅時候覺得非常驚喜，煙三文魚切成一個玫瑰花形狀，而且下面嘅沙律菜亦都非常有心思，味道亦都調配得好好。忌廉青口份量都幾多，配埋蒜蓉包簡直係昇華晒。青口都幾大粒，忌廉味都好重。咁似我同朋友仲特登叫咗法式油封鴨伴紅酒橙汁，平時喺出面好難得先有得食到油封鴨，以佢嘅份量一啲都唔少，油封鴨處理得非常之好，亦都唔會過咸。而佢嘅醬汁亦都配搭得幾好！今次仲好奢侈地嗌咗件鵝肝🤣鵝肝好厚身，油脂比例都好高，雖然好肥，但係真係好好食🤣