大發餐廳

營業中

休息中

人家本來想去燦記飲湯架，最後得返十五分鐘，唯有外賣食大發。買完外賣返到公司 lunch 又得返 5 分鐘，倒落肚都唔掂呀！次次 order 既都差不多，相同之處就係油，不過味道唔錯架喎。新開既台日便當 lunch 都賣三餸，朝早都係賣豉油皇炒粉麵，但難食之處多到難以形容。隔離民裕快餐三餸始終不敵大發，最終投降轉賣炒粉麵飯，大發依舊每日 lunch 排晒長龍。麻婆豆腐同蕃茄炒蛋都好靚仔啊，好想食呀！但我叫淨餸無飯撈，都係算啦！堂食 3 餸 HKD28，外賣平兩蚊 HKD26，送例湯多謝，非常經濟又夠飽肚而大受歡迎。 蒜蓉芥蘭索晒豉汁排骨既油，堅係油菜！本身已好油，油上加油。芥蘭葉厚而粗糙，莖微爽帶草青味，要用勁蒜勁油遮蓋。油淋淋而無半點菜甜味，一砌只靠鹽及蒜蓉調味。勁油帶澀蒜炒芥蘭，爽脆就爽脆既。依舊炒到巢皮，有菜甜味講不上，蒜味強勁，油跟蒜既味道非常濃烈，唔難食，保持葉厚而澀、莖爽而帶草青味，油就必定喇。炒菜芯正常地多油，有少少渣而帶水青味，沒有半甜鮮菜甜味。咕嚕肉非常滿意，雖然粉多到有點嚇人，粉略多了一點。味道夠濃，酸甜得宜，甜酸味夠濃夠開胃，肉多骨少啖啖肉、骨頭少，穩陣又好少失手。