影片
更多
2014-11-24
636 瀏覽
喺屋企食左幾晚自家製既粗茶淡飯，忍唔住今晚出去食，唔駛自己煮同洗之餘老公又唔駛捱我啲"手藝"，hahah!!!選擇意粉屋一來以前成日去呢間拍拖(其他分店)，覺得食物好味，價錢唔算太貴，二來剛剛喺附近買完嘢，三來有會員卡，幾個原因加埋夠哂！(仲有係坑口唔知仲可以去邊食好)一心想吃薄餅，甫坐下店員就推介匯豐卡優惠餐，望過下又冇特別我想吃既野，雖然價錢係抵，但我唔啱食都冇用，所以反而點了另一個$368既二人套餐，有兩客龍蝦湯，自選主菜兩款及兩客飲品，我就揀左今期推廣既燒羊架墨汁飯，以及巴馬火腿(芝士)火箭菜Pizza，由於一向好鐘意酥皮湯，但又怕太飽，所以只係其中一客加了酥皮，主力俾老公吃，我痴少少過下口癮就算(其實都有一小半，wahahha)。落完單話咁快就有湯飲，酥皮焗得算唔錯，色澤剛好，不會過燶，之不過呢，食落冇以前咁香口，還好我會全部浸湯吃，所以尚可接受。龍蝦湯配料沒以前多，除了幾件龍蝦肉外，就只有蘑菇，以前可是有少許帶子同蝦的，不過湯既味道依然夠濃，唔知係咪有落師傅呢！湯未飲完，巴馬火腿火箭菜薄餅就上了，平時好愛芝心批，不過呢度冇，所以只好食薄批，唔會太飽及成口麵粉。飲完湯先動手食
一心想吃薄餅，甫坐下店員就推介匯豐卡優惠餐，望過下又冇特別我想吃既野，雖然價錢係抵，但我唔啱食都冇用，所以反而點了另一個$368既二人套餐，有兩客龍蝦湯，自選主菜兩款及兩客飲品，我就揀左今期推廣既燒羊架墨汁飯，以及巴馬火腿(芝士)火箭菜Pizza，由於一向好鐘意酥皮湯，但又怕太飽，所以只係其中一客加了酥皮，主力俾老公吃，我痴少少過下口癮就算(其實都有一小半，wahahha)。
落完單話咁快就有湯飲，酥皮焗得算唔錯，色澤剛好，不會過燶，之不過呢，食落冇以前咁香口，還好我會全部浸湯吃，所以尚可接受。龍蝦湯配料沒以前多，除了幾件龍蝦肉外，就只有蘑菇，以前可是有少許帶子同蝦的，不過湯既味道依然夠濃，唔知係咪有落師傅呢！
湯未飲完，巴馬火腿火箭菜薄餅就上了，平時好愛芝心批，不過呢度冇，所以只好食薄批，唔會太飽及成口麵粉。飲完湯先動手食薄餅，有點涼了，薄餅面頭油亮亮，食落也是偏油，入口還有意大利醋既味道，不過火腿冇鹹香，唔會係高級貨(明既，呢度只是高級一點既連鎖餐廳)，由於呢期稍為食少左啲啲，個胃可能仲未好番，所以吃兩件已覺飽，要留肚吃墨汁飯同甜品(甜品不包括在套餐內)。
說時遲那時快羊架墨汁飯都端來了，鍋大但飯份量不多，羊架雖有三件但好奀支支，冇乜肉咁，成兜飯勁多唔喜愛既配菜，色菜雖豐富但完全喧賓奪主，飯粒看上去乾身但食落好油，用匙更畢起落碟都見到油，吃罷成咀油淋淋，比薄餅更誇張，調味是不錯，但真的過油呢！
最後還是忍不住點了平時好愛既 Crepes，套餐只需加HK$20就有一客，但這裡做既沒正宗的香脆，而是濕軟的，勝在同吃既檸檬汁好香，酸甜度適中，暖暖的檸汁班戥跟冰凍雲呢拿雪糕同吃絕對有冰火效果。餐廳環境舒服，係冷氣大左啲，整體食物可以，以會員卡埋單，正價食品八五折，即刻抵左，如果唔係食到成咀油就更好了！
張貼
