Bellevue Bar and Grill (已結業)

同好耐冇見既朋友仔食飯，揀左呢間位於旺角既靚靚餐廳食，野食打卡得黎，味道都唔錯，價錢合理，侍應服務態度仲幾好😌❀餐包❀一人一個拳頭咁大既餐包，拎上手仲暖暖地，搽少少牛油食都OK。❀美國特級安格斯肉眼扒❀揀左7成熟，煎到有靚靚格紋，切開肉質呈粉紅色，火喉掌握得幾好，牛扒冇筋，肉質軟腍又惹味。❀烤緬因州龍蝦尾伴龍蝦汁扁意粉❀龍蝦尾好貼心地起哂殼，食落肉質有彈性又有鮮味，意粉份量略多，好掛汁又有咬口。❀驚喜拼盤❀為左呢個甜品去食，有唔同款式既甜品，造型別緻，金色大朱古力波有三眼仔糖+馬卡龍，要用個錘仔扑爛佢，有得玩又有得食，味道偏甜，同朋友仔share就岩哂。❀ Sour&Bitter ❀係蝶豆花茶&西柚特飲，蝶豆花茶成杯紫色好夢幻，味道唔太甜；西柚特飲因為有加少少檸檬汁，飲落酸酸甜甜咁。