Sogno Cafe+ (已結業)

小編向來對咖啡店情有獨鍾，除咗食物有時有驚喜外，亦都係一個朋友嘅聊天之地。🍝鹹蛋黃鴨胸肉長通粉第一啖食落去的確有驚喜，鹹蛋黃嘅香味提昇咗意粉嘅層次，配料亦都非常多，份量好大。不過食咗一小半後，鹹蛋黃嘅口感加上冇太多醬汁嘅意粉，有啲食膩。🍳是日牛肋條蛋包飯份量一如已往地大，熱乎乎嘅蛋中和咗牛肉嘅鹹味，同白飯一齊食，就多重滋味。側邊放上咗小小沙律，食起嚟添上幾分清新，好快食完喇。🍗玫瑰雞翼小編不嬲都唔太鍾意花嘅味道，不過被強烈推薦嘅玫瑰雞翼就打破咗我對佢嘅固有形象。玫瑰香味同蜜糖甜味，為雞翼添上獨特風味。除咗單叫有少少貴之外，都係值得試下嘅。飲品方面不過不失。🍫朱古力半溶麻糬Brownie呢間Cafe最出色嘅就係甜品，我哋就以最高期望迎接啦~由於前面已經食到好飽，所以都係有啲怕食唔落。食咗第一啖，小編就知道女人。。。的確係有兩個胃咖。烤棉花糖嘅外脆內軟，配上Brownie，加上上面嘅杏仁片，超！級！好！食！小編絕對可以一個人食曬成個甜品。當然如果棉花糖再加多啲，就更滿足、更幸福。總結嚟講，食物不過不失,得閒去食個甜品都係唔錯嘅。環境都好好，好安靜，室內裝飾亦都好可愛，就係地方有少少難搵。