赤橋拉麵 (已結業)

屯門拉麵店唔多，有水準既更加寥寥可數，赤橋拉麵係我最愛既拉麵店之一，雖然鋪係細細，但佈置溫暖，店員又有禮貌，所以平日下午都經常滿座。魚介豚骨沾麵，一上枱首先緊係要飲啖湯啦，湯汁非常濃郁，充滿濃濃既豚骨味，配上魚介粉，味道更昇華。豚肉大大塊，每塊都伴隨少少肥肉，入口即溶，肉質嫩滑，最重要係有我最愛既溏心蛋，正！拉麵麵質爽口彈牙，絕非一般超市買到既質素，食麵時只需將麵浸一浸過湯，麵條會被濃濃既湯汁包圍，掛湯能力極高。