影片
更多
2018-06-05
2144 瀏覽
上個星期三跑馬地有賽馬，咁啱馬場既月貝凡餐廳又以法國之夜做主題，覺得個主題幾好又有得睇跑馬之後就去左試！好好彩既一樣野就係今次有得坐係最近賽道既位置睇跑馬，周圍既環境都好乾淨，服務態度都好有禮貌，好nice， 仲好細心教我地點樣買馬聽完講解後，我地就去叫主菜，最後大家都叫左香煎美國肉眼扒，主菜每人只係包一份，但係等緊主菜既同時就可以去攞任食既item！呢度既野食係半自助餐既形式，主菜以外所有野都係任食！自助餐部份有沙律同生果以外，仲有唔同既ham同埋螺絲粉，唔洗擔心等主菜既時候會餓親！我地叫左既主菜係即叫即煮，所以者預左要等一段時間。食完自助餐好多野食之後，有啲口乾，嗌左杯strawberry smoothie,仲有啲棉花糖係上面，雖然好細杯，但係又幾fresh又唔會好甜！ 等左一排，主菜終於都到左！原來牛排以外仲有唔同既配菜，我個人比較喜歡食生既牛，所以叫左4成熟，但食落都唔覺得好硬，反而幾好咬口，但味道就淡左少少！而薯條方面都好脆，唔似係一早整好再翻焗。雖然要另外加$120，但總括黎講主菜都不錯，總算無白費$120！唔好睇個扒好似細細份，但其實成個扒都好厚，仲好驚無胃口食甜品！身為
聽完講解後，我地就去叫主菜，最後大家都叫左香煎美國肉眼扒，主菜每人只係包一份，但係等緊主菜既同時就可以去攞任食既item！
呢度既野食係半自助餐既形式，主菜以外所有野都係任食！
自助餐部份有沙律同生果以外，仲有唔同既ham同埋螺絲粉，唔洗擔心等主菜既時候會餓親！我地叫左既主菜係即叫即煮，所以者預左要等一段時間。食完自助餐好多野食之後，有啲口乾，嗌左杯strawberry smoothie,仲有啲棉花糖係上面，雖然好細杯，但係又幾fresh又唔會好甜！
等左一排，主菜終於都到左！
原來牛排以外仲有唔同既配菜，我個人比較喜歡食生既牛，所以叫左4成熟，但食落都唔覺得好硬，反而幾好咬口，但味道就淡左少少！而薯條方面都好脆，唔似係一早整好再翻焗。雖然要另外加$120，但總括黎講主菜都不錯，總算無白費$120！唔好睇個扒好似細細份，但其實成個扒都好厚，仲好驚無胃口食甜品！
身為女人點可以唔留肚食甜品！首先重點要推介既係呢個疏乎里！又係即叫即做！不過每焗1round只係得6-7個，如果唔係就要等下一round!另外仲有兩款流心cheese cake同埋女生至愛既macaroon！最後仲有haagen dazs雪糕，不過選擇唔多。總結今晚係月貝凡既晚餐真係好滿足同埋好好食，想睇賽馬又唔想熱既都可以試下一邊食一邊欣賞夜馬！
張貼
