Sky726

行過旺角突然間好想食法國西餐，去到呢一間Sky726景觀一流就當然唔使講啦，餐廳氣氛仲非常好，見到餐牌上面嘅選擇唔算話好多但係全部都係一啲好想食嘅西式fusion食品。前菜方面我哋叫咗一個青口，青口配上薯條，感覺清新得來有胃口大增，青口嘅醬汁非常入味，配起新鮮嘅青口簡直是一流。薯條亦都是新鮮炸起非常有誠意。除此之外我哋仲叫咗一客舖頭最出名嘅炸雞軟骨，亦都係新鮮炸起熱辣辣，誠意爆燈。至於主菜方面我自己叫咗西冷牛扒五成熟，雖然比想像中熟咗少少但係肉味亦都非常鮮味，而且配上嘅薯蓉同埋蔬菜都非常好吃。有人就叫咗羊扒，味道都好像不錯！ 一定會再返嚟食多次