Achacha Food & Beverage Boutique (已結業)

呢間餐廳同我個名一樣，咁有緣點可以唔入去試下xD✨晚餐價錢唔算好貴，而且環境都唔錯，啱晒三五知己一齊傾餐飽。✨ 叫左一個Set dinner ,小食可以四㨂二～✨是日餐湯： 呢個南瓜湯帶點杰身，入面有好多南瓜蓉，味道幾清新。餐包幾特別，入面有d 無花果乾，食落甜甜地，d 籽又脆卜卜。✨薄切煙三文魚：一客有三大片，上面有d 蕃茄同洋蔥粒，個汁酸酸地，食落幾開胃。✨水果茶： 甜度幾天然，飲到d 菠蘿味同埋茶香。入面仲有芒果粒同提子，提子好甜又無核。✨黑松露帶子意大利飯（$158): 個飯好多汁，仲好香黑松露味。飯粒帶點咬口，入面仲有好多菇索晒汁，加埋大大粒既蟹籽食落卜卜脆，帶子都好鮮味彈牙。✨all day breakfast x crepes($86): 第一次食法式crepes, 咁既配搭未試過。 個crepes 好薄好脆，甜甜地又有d 蛋香，估唔到配上咸食係幾得意👍🏻✨材料有蛋、香腸、茄汁豆、火腿、煙肉、同埋沙律菜。火腿煙肉果d 唔會過咸，腸又夠脆皮，全部夾埋一齊都好好味。✨本身諗住唔夠飽，但食埋個紫薯蓉都真係好飽肚喇。埋單每人都係百五蚊到，又唔使同人迫，都係唔錯既選擇。