青越 (已結業)

今日同男朋友齊齊放假，難得平日可以一齊食lunch，我地去左青越食lunch。睇完餐牌，我揀左青越雞絲扎肉撈檬配熱檸水，佢就揀左法式牛柳粒紅飯配熱咖啡。青越雞絲扎肉撈檬，枱上有一樽魚露俾你任落去撈。夏天好岩食撈檬，好清新。呢間撈檬份量好多，雞絲都唔少，仲有扎肉。雖然味道唔算好好食，但都夠飽。法式牛柳粒紅飯同想像中差好遠，上碟係中式牛柳粒配西炒飯。好彩牛柳粒夠腍，味道唔算難食。呢個名真係好誤導人，令我地以為係紅米飯，而且又貴，當自己黑仔。