影片
更多
2018-10-30
713 瀏覽
今日係其中一位最好朋友嘅生日我同其他三位好姊妹梗係要帶佢食好嘢慶祝啦！見呢間法式私房菜評價咁高，我哋一致決定就呢間啦～我哋行到門口都唔知已經到咗哈哈因為門外連餐廳名牌都無，私隱度極高客人可以因應自己需要揀選course嘅數量(由starter到dessert都有多款菜式供客人選擇)「香草麵包 配 三款特色醬料」有別於一般牛油或果醬搽麵包呢度嘅係海鹽牛油，番茄牛油，黑松露牛油個人最喜愛係黑松露牛油，搽落麵包後好香番茄牛油好特別，其他餐廳極少見，味道唔錯喜歡簡單嘅朋友可以揀返海鹽牛油「日本天使蝦 配 龍蝦多士」一路以為日本天使蝦會係好似甜蝦咁紅色細細隻佢有別於一般刺身蝦嘅味道略帶微甜微鹹，唔係普通甜蝦個種蝦肉爽口，一啲都唔腥，怕腥嘅朋友都可以試而龍蝦多士嘅造型可愛，中間夾住滿滿嘅龍蝦肉個人建議先食蝦，後食多士「西班牙48個月黑毛豬火腿配蜜瓜」毫不吝嗇嘅大大片火腿脂肪比例剛好，蜜瓜好甜，絕配～「黑松露野菌忌廉湯」打磨到好碎嘅野菌喺湯入面，飲起上來好有口感「焦糖法國鵝肝」非常精緻嘅賣相，好似藝術品一樣魚子醬同鵝肝兩款貴價食材夾埋一齊真係無得輸鵝肝表面微脆，入面嘅油份好香個人喜歡就咁食多過放係多
我同其他三位好姊妹梗係要帶佢食好嘢慶祝啦！
見呢間法式私房菜評價咁高，我哋一致決定就呢間啦～
我哋行到門口都唔知已經到咗哈哈
因為門外連餐廳名牌都無，私隱度極高
客人可以因應自己需要揀選course嘅數量
(由starter到dessert都有多款菜式供客人選擇)
「香草麵包 配 三款特色醬料」
有別於一般牛油或果醬搽麵包
呢度嘅係海鹽牛油，番茄牛油，黑松露牛油
個人最喜愛係黑松露牛油，搽落麵包後好香
番茄牛油好特別，其他餐廳極少見，味道唔錯
喜歡簡單嘅朋友可以揀返海鹽牛油
「日本天使蝦 配 龍蝦多士」
一路以為日本天使蝦會係好似甜蝦咁紅色細細隻
佢有別於一般刺身蝦嘅味道
略帶微甜微鹹，唔係普通甜蝦個種
蝦肉爽口，一啲都唔腥，怕腥嘅朋友都可以試
而龍蝦多士嘅造型可愛，中間夾住滿滿嘅龍蝦肉
個人建議先食蝦，後食多士
「西班牙48個月黑毛豬火腿配蜜瓜」
毫不吝嗇嘅大大片火腿
脂肪比例剛好，蜜瓜好甜，絕配～
「黑松露野菌忌廉湯」
打磨到好碎嘅野菌喺湯入面，飲起上來好有口感
「焦糖法國鵝肝」
非常精緻嘅賣相，好似藝術品一樣
魚子醬同鵝肝兩款貴價食材夾埋一齊真係無得輸
鵝肝表面微脆，入面嘅油份好香
個人喜歡就咁食多過放係多士上面
右手邊嘅係自家製無花果醬
「慢煮和牛面頰」
坊間嘅牛面頰味道已經相當唔錯
呢度嘅廚師仲採用和牛面頰
大家可想而知牛肉味有幾咁濃
加上慢煮手法，口感非常好
秘製醬汁亦令整道菜生色不少
「士多啤梨拿破崙配士多啤梨雪糕」
士多啤梨味嘅拿破崙比較少見
酸酸甜甜，賣相討好
餐牌上特意寫咗係採用韓國士多啤梨添～
總括而言，
呢間餐廳採用嘅食材比我嘅感覺係精挑細選
每一款菜式都感受到用心烹調
朋友飯聚或情侶撐檯腳都好適合
張貼
