影片
更多
2022-08-07
2464 瀏覽
同家人食飯有老人家，訂位時有問有無老人家，話有可以安排房等坐得鬆動啲，都幾好坐下面果層，但地下好滑好跣… 本來見個房咁遠怕無人理，還好都有侍應不停加水加茶，換碟收碟咁，服務都算唔錯叫咗六人餐，份量好充足，法式越南餐係咪都係西餐咁？所有嘢都砌好六件唔洗分。先上南瓜海皇羹，好多料，啖啖都有蝦肉，有少少蟹肉，好creamy 味道都好香濃再上有拼盤，扎肉越南菜必備。 但整體個拼盤無乜特別，果料圓形以為蝦丸但原來只係魚蛋（我諗多咗…） 一上個燒鱔大家呆咗… 好大件一件！條鱔到底有幾大？！😳 味道好食嘅，燒汁但又有少少蜜汁甜甜地，而且好夠火喉，咁厚肉都燒得皮有少少香脆👍🏻 好喜歡呢味！ 有酒就正喇🤭食完個湯加個鱔其實都飽左一半… 都幾漏… 仲有個一字骨，都係肉… 侍應話下面啲檸粉嚟，可以加魚露撈咗食埋… 試下，但佢吸晒上面條骨啲油同汁…. 吾，如果你唔介意食油膩，都好食嘅… 我就覺得太油膩… 個一字肉無汁，但食落好有肉汁同偏肥，所以就算無嘢點都唔會好乾身，剛上碟仲有少少燒香味，唔錯👍🏻 上咗個燒大蝦（原來法式越南菜係主打燒烤？？？） 上枱果時6隻蝦，都幾大堆頭… 蝦好大，隻隻都有膏，但食落我果隻有
坐下面果層，但地下好滑好跣…
本來見個房咁遠怕無人理，還好都有侍應不停加水加茶，換碟收碟咁，服務都算唔錯
叫咗六人餐，份量好充足，法式越南餐係咪都係西餐咁？所有嘢都砌好六件唔洗分。
先上南瓜海皇羹，好多料，啖啖都有蝦肉，有少少蟹肉，好creamy 味道都好香濃
再上有拼盤，扎肉越南菜必備。 但整體個拼盤無乜特別，果料圓形以為蝦丸但原來只係魚蛋（我諗多咗…）
一上個燒鱔大家呆咗… 好大件一件！條鱔到底有幾大？！😳 味道好食嘅，燒汁但又有少少蜜汁甜甜地，而且好夠火喉，咁厚肉都燒得皮有少少香脆👍🏻 好喜歡呢味！ 有酒就正喇🤭
食完個湯加個鱔其實都飽左一半… 都幾漏…
仲有個一字骨，都係肉… 侍應話下面啲檸粉嚟，可以加魚露撈咗食埋… 試下，但佢吸晒上面條骨啲油同汁…. 吾，如果你唔介意食油膩，都好食嘅… 我就覺得太油膩…
個一字肉無汁，但食落好有肉汁同偏肥，所以就算無嘢點都唔會好乾身，剛上碟仲有少少燒香味，唔錯👍🏻
上咗個燒大蝦
（原來法式越南菜係主打燒烤？？？）
上枱果時6隻蝦，都幾大堆頭… 蝦好大，隻隻都有膏，但食落我果隻有啲「梅」 唔新鮮… 大打折扣.. 話晒都唔平…
仲有個咖哩牛腩煲同蒜蓉包，忘記影😅
牛腩煲好多牛筋，大半都係牛筋得一兩件腩… 係咪應該叫牛筋煲… 味道都好食，幾正宗，唔會辣係香椰汁
最後跟餐有一件班蘭糕，另外再叫左四碗當晚甜品，椰青糕（好似咁名）
係一碗白雪雪，好似燉奶咁，食落勁香椰青味，好滑口又唔會太甜，中間有少量椰青肉，勁好食！太好食一嚟就食咗相都無張😅
一家人嚟食都唔錯，環境服務都好，以為佢舊派嘢會係啲傳統少少西餐嘅管理，但又唔係…
味道好食，位置都好方便，有代客泊車又近k11
但價錢就真係好貴…$3680/6人餐加一…每人都6xx 雖然好夠飽，但主要係肉，如果加少少茶就好喇…
除左隻蝦，其他用料都新鮮同足料，值得一試👍🏻
張貼
