鬍鬚仔 (已結業)

朋友話青衣有間有heart嘅漢堡包小店，請咗啲後生仔女做店員，味道very good，我最鍾意支持有heart小店，咁就專程入去青衣食漢堡包。由地鐵站行去大約七、八分鐘，小店喺街市裏面，都唔太難搵。大約8pm去到，前邊都有三、四個人客等緊。我叫咗「韓式泡菜牛堡」，即叫即做，大約等咗7分鐘店員就遞上熱辣辣嘅漢堡包。行咗去商場搵張凳坐低，即刻開嚟食，仲熱辣辣。漢堡包賣相唔錯，非常飽滿大件。牛肉漢堡扒好有份量，裏面有碎洋蔥，好香，美味可口。配料除咗番茄同生菜，當然仲有韓式泡菜，泡菜微辣好開胃，好Juicy。我擘到個口最大都唔可以一啖咬晒個漢堡包😅，要分開兩層嚟食😆分量充足，食完好飽，頗為滿足😁