波仔

營業中

休息中

波仔嘅食物真係由細食到大，冰箱裏面一定會放幾盒，肚餓嘅時候隨時隨地唔使落街都可以食到，隨着時代嘅變化，波仔嘅食物越嚟越多元化，飯麵、粥品、糖水、湯類、小食、蔬菜，最近連點心同埋香港人至愛花生醬西多士都有得食，又係時候要入返啲貨返屋企😋▪️水晶蝦餃每粒蝦餃大大粒，蝦餃皮煙煙韌韌，包住大大粒蝦肉豬肉餡，非常唔錯▪️花生醬西多士氣炸鍋炸完之後，熱辣辣完全同茶餐廳味道一樣，外層香脆包住厚厚嘅花生醬，仲附送埋糖漿，更加好味可以自己再加少少牛油，正呀▪️燒雞髀原汁煲飯成隻燒汁大雞髀，好入味雞髀肉質幾嫩滑，配上香蔥飯，一盒已經好飽肚▪️瑤柱雞粒荷葉飯店舖熱賣產品，飯粒軟硬適中，超級入味，瑤柱雞粒份量又多，帶有陣陣荷葉的香氣，好味道▪️咖喱牛腩飯最經典有最好味嘅咖喱牛腩飯，一定要有一盒放喺冰箱，最鍾意牛腩夠軟腍，咖喱汁微微辣帶點香甜，撈飯一流