角落咖啡廳 (已易手) 新餐廳

今日book咗2:00過嚟試吓呢間波希米亞風嘅角落咖啡廳，我哋今日2:00嚟到只係得一枱客，我哋四個人揀咗兩個窗口位坐，兩人一枱！呢間餐廳真係打卡一流有千秋，擺設都好靚，真係適合文青打卡，今日係平日，所以有set lunch$14X, 包一份意粉或者飯，加中size 飲品，仲可以加$18加小食，有春卷或者炸蝦，我哋四個人帶咗兩個意粉，嗌咗一個大啡菇黑松露意粉和一個客蟹籽煙三文魚白汁意粉，兩個都好好味，另外加咗兩客春卷，春卷脆卜卜加埋啲泰式醬好好味！至於飲品我哋嗌咗兩杯熱朱古力一杯綠茶latte，同埋一杯特飲！最後再加多一個朱古力芝士蛋糕，真係一個完美嘅配搭！ 我見到餐牌仲有啲沙律下次一定要試吓！同埋其他味嘅芝士蛋糕，下次再嚟試吓