泰廳 (已搬遷) 新店位置

元朗泰菜餐廳數量可不少，其中一間位於青山公路，元朗廣場對面的泰廳，鄰近輕鐵站，位置都幾就腳方便。鋪面長方形，唔算好大，但裝修明亮乾淨，似家庭式經營。食物種類選擇多，價錢經濟實惠，開飯時間有唔少街坊黎食飯。泰國小食拼盤 細拼盤有炸蝦餅、炸魚餅、香葉包雞、泰式素春卷同串燒2串，仲跟有三碟甜酸辣醬可以點下。炸蝦餅，表面炸得香脆，加入豬肉打成的蝦餅，更增加香口感。炸魚餅，用鯪魚肉炸成，有點中式味道，加左香茅落去，中泰風味混合更加惹味。香葉包雞，用香葉包住雞肉黎炸，香口又唔會過燶，香茅味仲好突出。泰式素春卷，炸得香口鬆脆，入面係粉絲餡，唔油膩。串燒，一牛一雞，肉本身已醃過，加上淋左咖喱汁已經惹味，點上沙爹醬食更加豐富滋味。泰式炒金邊粉辣醬係另上，可以因應自己食到幾辣而落，唧埋青檸汁，酸酸香香更加開胃。用蛋網包住炒好既金邊粉，賣相已經擰晒分！金邊粉帶點點濕潤，炒得均勻又唔乾身，條條都上晒色好入味。加埋豆腐乾、芽菜、細粒蝦乾仔、花生碎等，口感更加有層次。平日有晚市套餐提供，選擇都好多，揀左其中一款海南雞飯 去骨雞肉嫩滑，又唔算太肥，不過就有小小雪藏味，點埋泰式醬汁又另一番風味。油飯份量多，粒粒分明，