珍意泰國菜館 (已結業)

尋日去開筲萁灣做野，突然落大雨，所以求其在東大街搵左間餐廳就衝入去，只不過誤打誤撞又比我搵到好西食。一入到去由於下層已經坐滿人，所以要行上二樓，條樓梯都有些少斜。上到去一坐低就事不宜遲叫左個豬扒炒飯。豬扒炒飯+凍檸茶 ($55)個飯一上枱就聞到好香，豬扒望落有啲粉紅色，食落都好鮮嫩。至於個炒飯底就用左蛋碎同埋菜粒黎炒，炒到粒粒分明，唔會好「笠」。另外豬扒嘅炸粉唔會太厚，只有面頭薄薄一層，好正。最後杯凍檸茶就是普通茶餐廳果種凍檸茶啦，沒咩特別，所以唔多介紹了。