泰爸爸

營業中

休息中

香港嘅泰國菜真係越來越多，每次我都一定會嗌三色冰，今次試吓新野，嗌珍多冰🤣雖然嘢飲唔同咗，但係嗌嘅嘢食都同我平時食開嘅差唔多😋食泰國嘢梗係要嗌生蝦啦，呢間嘅泰式生蝦超級大隻🤩肉質都幾彈牙㗎，配埋佢個特別啲嘅醬汁，都幾有特色另外再嗌左個串燒拼盤，一次過食晒所有泰國風味嘅嘢食😁最鍾意都係蝦餅，點埋個泰式辣醬一流，仲有中咖喱雞都超級好食，硽得好入味🤤然後叫咗半隻泰式燒雞，呢個好似真係第一次嗌，因為平時係食海南雞嘅多🤪第一次食都幾特別，好重泰國香料味，肉質鮮嫩，燒得啱啱好最後仲有碟馬拉盞鮮魷炒通菜，炒得好有鑊氣，每條菜都入晒味 ，真係食過返尋味😎