影片
更多
2022-05-09
1319 瀏覽
轉工黎咗荔枝角返新工一個月多少少，每日Lunch time 試唔同餐廳就好似探索新大陸咁今個星期成功發現新大陸食到呢間幾好味嘅泰菜。雖然佢只有外賣，但因為疫情關係都已經好習慣買外賣食。今日點餐：1）海南雞飯（油飯）2）酸辣肉碎飯不愧為海南雞專門店呀！啲雞件係起咗骨嘅，個人最鐘意啖啖肉！正！雞肉好嫩好有雞味，雞皮好爽滑，最出色係做到雞皮下有層最精華嘅啫喱。油飯睇落好淺色，但食落又有淡淡雞油味。雞肉配酸辣味嘅醬汁，好夾點咗個醬汁黎食即刻明白點解個油飯咁淺色，因為咁先唔會互相搶味（但其實個油飯淡淡地都好啱我個人口味）剩咗嘅醬汁用黎撈白飯都好正！酸辣肉碎飯，又酸又辣好送飯，而且份量好足！因為可以唔洗加錢叫多飯。（唔知個肉碎係咪生菜包果啲肉碎呢，因為食落口覺得會同生菜好夾，如果係的話，覺得有賺）同事推介話滷水豬手都唔錯，下次會試埋！呢間小店價錢亦都合理，絕對會回頭呢！
今個星期成功發現新大陸食到呢間幾好味嘅泰菜。雖然佢只有外賣，但因為疫情關係都已經好習慣買外賣食。
今日點餐：
1）海南雞飯（油飯）
2）酸辣肉碎飯
海南雞
206 瀏覽
0 讚好
0 留言
不愧為海南雞專門店呀！
啲雞件係起咗骨嘅，個人最鐘意啖啖肉！正！
雞肉好嫩好有雞味，雞皮好爽滑，最出色係做到雞皮下有層最精華嘅啫喱。
油飯睇落好淺色，但食落又有淡淡雞油味。雞肉配酸辣味嘅醬汁，好夾點咗個醬汁黎食即刻明白點解個油飯咁淺色，因為咁先唔會互相搶味（但其實個油飯淡淡地都好啱我個人口味）剩咗嘅醬汁用黎撈白飯都好正！
泰式酸辣肉碎飯
147 瀏覽
0 讚好
0 留言
酸辣肉碎飯，又酸又辣好送飯，而且份量好足！因為可以唔洗加錢叫多飯。（唔知個肉碎係咪生菜包果啲肉碎呢，因為食落口覺得會同生菜好夾，如果係的話，覺得有賺）
同事推介話滷水豬手都唔錯，下次會試埋！
呢間小店價錢亦都合理，絕對會回頭呢！
張貼
