泰‧蘭花 (MegaBox) (已結業)

今日同同事食飯，突然間好想食泰國嘢，又唔想去到九龍城咁遠，於是就過咗MegaBox嘅泰‧蘭花。我哋點咗泰式炒金邊粉同埋泰式海南雞配雞油飯。午餐仲附有湯、沙律同飲品。是日餐湯就係白菜仔湯同埋青木瓜絲沙律。白菜仔湯夠哂鮮味，青木瓜絲沙律清新爽口，作為前菜確實唔錯。泰式炒金邊粉酸酸甜甜好惹味，酸、甜、香料味道平衡有層次，每款配料都很適中。有出售海南雞嘅食肆越嚟越多，而且好多都相當有名氣。雖然泰‧蘭花嘅泰式海南雞配雞唔算得上有名氣，但亦都不過不失。雞肉嫩滑，而份量都幾多，配埋油飯都相當飽肚。飲品只點咗凍檸茶，但好喜歡餐廳將糖醬另上。學葉童話齋，要唔要，由我揀。鐘意少甜、走甜都得，又唔驚餐廳攪錯。