金蘭花泰國菜 (已結業)

中午同同事去咗呢間泰國私房菜餐廳食lunch。一入門口見到佢貼住：last day 2024年1月19日。原來呢間餐廳已經做咗30幾年，我今次第一次嚟食已經係最後一次了😢餐廳都幾受歡迎，雖然訂咗位，都等咗10分鐘左右。等入座期間見到有好多人買外賣🥡餐廳唔係好大，今次我哋食嘅時候仲要啱啱有一大班人一齊食（慶祝生日🎂），所以好嘈。中午有lunch sets, 每個set 都配一個前菜、甜品及一杯飲品。價錢係$108-$118，會員唔洗加一😁我叫咗泰式海南雞飯。前菜係雲耳加青瓜🥒，幾開胃👍🏻海南雞係有骨的😅不過唔多骨，應該係已經去咗部分骨。飯好多，食唒一定飽😋甜品係番薯🍠浸咗糖水，好甜，我就麻麻地😅飲品有凍飲🥤同熱飲☕️揀，我就揀咗杯熱檸檬水幫助消化😂當然有其他泰式飲品揀。