焰淑泰國餐廳 (已結業)

登龍街一向都出名食拉麵，但係食泰國嘢都係第一次。見到餐廳都係新裝修應該啱啱先開業。餐廳有得散嗌嘢食或者揀套餐。因為我同朋友嗰日都勁肚餓所以就揀咗佢依個啤酒串燒放題嘅套餐，佢除咗串燒同埋啤酒係任飲之外其實仲有個頭盤同埋主菜。頭盤係一個泰式生蝦刺身，食落去蝦嘅口感係好爽口加埋辣辣地嘅味道都認真幾開胃。跟住就係主菜，我哋就叫咗一份紐西蘭羊架，雖然份量唔算多但係味道較好，樣嘅肉質好滑同埋好入味。跟住就輪到主菜串燒啦，其實串燒嘅種類都分左咗好多種，有雞肉、牛肉、豬肉嘅串燒，另外仲有雞翼同埋一啲海鮮，海鮮有生蠔、青口。我哋每一樣都有時到少少，我個人最鍾意就係豬肉全消因為佢嘅味道夠入味而且口感好彈牙所以都好好食，而雞肉同埋牛肉嘅串燒味道都唔錯水準幾好。然後我哋都叫咗幾次燒海鮮，我哋最鍾意嘅就係燒生蠔， 生蠔嘅味道好新鮮而且非常肥美，我哋叫完第一次之後都忍唔住要encore多次食完幾次串燒同埋燒海鮮之後我哋都食到好飽另外一邊食住串燒同埋飲啤酒真係好正，餐廳仲提供左日本asahi同埋泰國象啤俾我哋試飲，我發現原來泰國嘅啤酒都幾好飲喎