媽咪隨意屋 (已結業)

餐廳環境舒適，座位寛敞，進餐區域在玻璃幕牆下，視覺開揚，光線充足，份外醒神。今次就嗌左兩個餐：泰式咖哩雞飯（52蚊）及豬仔髀飯（62蚊）。兩個餐嘅份量足夠，計番價錢都合理。咖喱味幾香，要黎撈飯不錯。豬仔髀飯加埋啲配菜都幾特別。餐廳職員話鮮肉船粉係招牌菜，見到啲料都有幾多，有興趣可以試試。食飯期間都有不少人買外賣，見到有唔少人有嗌串燒。佢啲串燒係幾吸引嘅，因為你係可以睇住佢燒，香噴噴。如果多人食可嗌套餐，見到有菜有餸有飯有野飲，都幾豐富。