曼谷泰菜 (已結業)

公司附新的新都會廣場開左一間曼谷泰菜，但一直未有時間去光顧。是次係天后搵食，見到有分店，就去食個lunch。有lunch set，包野飲。叫左泰式蝦球炒金邊粉，蝦球有幾粒，但略韌。面頭的配菜幾乎是全生的，最上面那條綠色我都唔知係蔥定香茅，非常乾硬。金邊粉太淋而且太甜，有點似食緊甜既麵糊咁！餐飲叫左奶茶，飲左一啖就頂唔順，後來阿姐問我做咩唔飲，我話飲唔落，然後阿姐好串下咁同我講：我地既唔係香港奶茶，係泰式奶茶黎架，你唔知咩！飲唔落就唔好叫麻！真係火都黎埋，係，我真係唔知，無人同我講！不過我無頂嘴，我真係乖豬！