影片
更多
2015-12-26
4033 瀏覽
聖誕之夜，當然想去一間未食過又特別的餐廳食晚飯。但係適逢節日，大部分西餐廳都會大幅加價，而且又難訂位，所以我同熊大都決定唔食西餐。可憐的熊大聖誕都要返工，所以我就乖乖地一邊溫書，一邊等佢放工。為左減輕佢既慘況，揀餐廳既重任就交左比我。由於熊大工作地點係九龍灣，而且佢要六點半先放工，所以我決定揀餐廳地點選係九龍灣，方便佢一放工就有得食，唔洗周圍行就係甘，比我發現左里間餐廳-SIAM AI Fresco Dining ，佢位於國際交易中心二樓，係我之前去過既 Naruto Japanese Restaurant 對面，之前都冇留意。適逢餐廳推出任食火鍋二小時優惠價每人$158，要加原價加一。每人大約$187，價錢接受到，而且環境有別一般中式火鍋店，里度感覺舒服得多，不會太擁擠。餐廳有分室內同室外，難得聖誕果晚天氣凍凍地，當然坐室內暖暖身。我地無意間試到一間我覺得值得推介既餐廳。雖然里度唔係旺區，但聖誕之夜都要訂位，我同熊大當然冇訂位，幸運地經理話得返近門口得一張枱可以比我地，問我地介唔介意！我地當然無所謂，難得有位唔洗等話明火鍋，當然要揀湯底先，里度有三款湯底，包括冬蔭公湯、椰汁雞湯同冬瓜
由於熊大工作地點係九龍灣，而且佢要六點半先放工，所以我決定揀餐廳地點選係九龍灣，方便佢一放工就有得食，唔洗周圍行
就係甘，比我發現左里間餐廳-SIAM AI Fresco Dining ，佢位於國際交易中心二樓，係我之前去過既 Naruto Japanese Restaurant 對面，之前都冇留意。
適逢餐廳推出任食火鍋二小時優惠價每人$158，要加原價加一。每人大約$187，價錢接受到，而且環境有別一般中式火鍋店，里度感覺舒服得多，不會太擁擠。
餐廳有分室內同室外，難得聖誕果晚天氣凍凍地，當然坐室內暖暖身。
我地無意間試到一間我覺得值得推介既餐廳。雖然里度唔係旺區，但聖誕之夜都要訂位，我同熊大當然冇訂位，幸運地經理話得返近門口得一張枱可以比我地，問我地介唔介意！我地當然無所謂，難得有位唔洗等
話明火鍋，當然要揀湯底先，里度有三款湯底，包括冬蔭公湯、椰汁雞湯同冬瓜豬骨湯。我想試冬蔭公或者椰汁雞湯底，而熊大就想冬蔭公湯，所以我地一致選定冬蔭公湯底！
湯底好快黎左，餐廳仲送左每人一隻大蝦同一隻扇貝，味道仲係鮮甜既
里度有自助沙津吧，係其他野食未黎之前，我食左少少蘋果沙津開開胃，有富蘋果同青蘋果混合提子乾，味道唔錯！我地仲試左泰式鳳瓜同泰式粉絲，果度仲有泰式木瓜沙津，泰式糕點同不同水果，但我地就冇試，因為要留肚
之後黎左美國肥牛片、豚肉片、雞胸肉片、扎肉片、鮮蜆、魷魚鬚、墨魚片，仲有丸同菜等等。里度真係要讚下，肉類係以片做單元，我地寫幾多片，就真係黎左幾多片。肥牛、豚肉同雞胸片水準不差。最令我地驚喜既係里度既墨丸片好鮮甜，食極都唔厭
而且蜆仲係好大隻果種，都係鮮甜既
但丸類每份以四粒為單位，我地只想一試，問過經理後，我地可係點菜紙上作改動，以兩粒為單元，甘我地就可以試多幾款
飲唔選擇不多，熊大叫左可樂，我就叫左荔枝味Jolly Shandy。
最後，我地加左$18點左芒果糯米飯作總結，味道都令我地好滿意。芒果夠甜，白糯米飯煙韌，紫糯米有口感。
張貼
