Mango Mania (已結業)

行過見到泰式甜品店，芒果糯米飯太吸引，餐牌介紹都非常有泰國特色，望多兩望喚起泰國回憶，最後一支箭咁標左入去。下午茶時段無需等位，入到去非常寬敞闊落，與橙象共同使用座位，所以肚餓都可以食正餐，而店員識講泰文，簡直置身於泰國一樣。由於已食正餐，所以叫一個甜品一個飲品。二人行：1.超級芒果狂熱2.芒果椰子西米慕絲特飲1. 套餐包含半個芒果，糯米飯，芒果雪糕，芒果布甸，芒果汁，椰子汁及忌廉。重點：芒果甜香有汁，不是水仙芒，很重要！份量都足夠。芒果雪糕都充滿芒果味亦有芒果粒，酸酸甜甜，不似化學味芒果雪糕。2.又想飲又想食芒果西米，可以選這個，份量都十足，仲跟左椰子，雖然混埋左一齊見唔到慕絲，不過岩飲就得！記得混埋先飲，如果唔係啲西米會冇味。仲有其他特式較健康的甜品可以試。