木船泰國粉麵專門店 (已結業)

前幾日，終於都出去食左個晚餐，近近地去左間泰國野食。木船依家晚上有dinner set 提供，選擇都有成十幾款。我地兩個人，一人叫左一個set，我就叫左Jumbo木船湯河，連埋三色小食，一個湯同一杯野飲。湯河份量都幾多，特別係各種餸嘅份量都幾多，有魚蛋，牛丸，扎肉，脆豬皮，雞絲，牛腩同牛肉，上面鋪左D炸蒜。魚蛋夠彈牙；牛丸就係細細粒嘅，都幾有咬口；扎肉正常；脆豬皮就好香口，浸左湯再食又再香d；雞絲唔會好鞋或者好實，味道唔錯；牛腩炆得啱啱好，偏瘦但都唔會覺得乾；牛肉厚切，幾有牛香味。而湯河用左較厚身嘅河粉，所以食落比較煙韌，浸湯浸耐左都唔會惗哂。肉丸扎肉雞湯都幾清白，啱哂同重口味野一齊食！野飲就叫左咸檸七，咸檸夠香，可以一試。三色小食有魚餅，中華沙律同雞蛋 味道唔錯，尤其雞蛋好好食！！