船皇 (大埔超級城) (已結業)

假日流流忽然船麵癮起，都唔知區內有咩鋪頭有得食，平時船皇得小貓三四隻，懷住試伏嘅心態，都係去一去試下。正宗船麵真係細細碗嘅，一兩啖食完，但今次都係食番大碗N3。牛腩+牛肉片+牛肉丸金邊粉份量唔少，先試一啖湯頭，唔會太鹹，有香料味。牛腩煮得頗腍，而牛肉片同牛丸就只係普通貨色。金邊粉連埋船麵湯底最襯，因麵條係幼身容易吸湯。如果食得到辣啲，枱面有三種調味料可自行加料。另外套餐都揀左蝦卷，薯絲包裹住蝦肉，炸得香脆可口。食完覺得未至於中伏，只係人手唔夠令出品有所影響。