SIAM AI Fresco Dining (已結業)

打邊爐放題，有幾款湯底，我地簡左冬陰公。一開始飲左一啲，唔算好辣，酸酸地咁幾好飲。如果等緊湯滾又餓，可以食串燒同春捲，串燒有牛同雞，味道唔錯，唔會太咸。春捲入面係菜黎嘅，幾清淡。丸同菜係自助嘅，肉類海鮮等等就要點單，最中意哩到啲蜆，好鮮甜而且冇沙。肥牛唔似平時打邊爐嘅肥牛，但唔會好靭，次次一上就比人搶哂，冇得影相。蝦，店員話係刺身蝦黎，蝦肉好脆好甜。甜品食左芒果飯，有一半紫糯米同一半普通糯米，好有椰香，芒果都好甜，哩個甜品都encore左一次。