泰邊爐 (已結業)

冬天+星期五，食個火鍋火題是必需的吧？旺角瓊華、兆萬日式放題好多，今次屋企人建議試下新野，唔食魚生食泰式火鍋。好變「泰」，雖然我一早訂左位，但都要等1個幾鐘先入到座。見到咁多人，真心打算走，好在個員工好有耐性又有禮貌（抵讚！），餐廳又識做派下罐裝飲品。佢有4、5款湯底揀，有冬陰公雞煲、椰子雞煲、青咖哩雞煲同common 的蕃茄豬骨。我就叫左個椰子雞，滋潤啲同出面食比較貴。真心好食，好香濃的椰子味，不是「求其」的湯底！啲雞都好有肉味，嫩的。另外可以加泰式香料，自便落。食完雞煲，佢會上個「套餐」，即只會提供一次的火料配料，例如有靚啲嘅肥牛、手打丸等等。推介的是個生菜包，酸酸地好食。不過套餐送的豬頸肉、排骨就無人食，有啲浪費。如果一早知有咁多豬肉，或者我會叫佢唔好上。至於無限添的火鍋料配，就正正常常，應有盡有（肥牛、蝦、菜都有...）。我就點左啲特別啲嘅泰式丸同麵。我好鐘意個泰國寬河粉，熟左會卷埋，好得意。最最最開心的，是食泰式甜品。佢話是泰國直送，可能啦，但真是好食的，唔似是放題會提供的甜品質素。至於飲品，都正正常常，有汽水有啤酒。但建議可以提供啲熟飲，我朋友唔飲冷飲的，所以佢成晚無飲過野