焰淑泰國餐廳 (已結業)

今日老公帶我黎銅鑼灣食泰國菜，餐廳裝潢好有情調，坐位寬敞。餐廳晚餐有新推出2人餐，4人餐，8人餐。我地一家三口點了二人餐。二人餐只係$388，好抵食，而且份量岩岩好。沙嗲鴛鴦串2串豬，2串雞，串燒跟沙嗲永遠是絕配，我特別喜歡這間餐廳的沙嗲醬，有濃濃的花生味，好香好滑。椰汁雞湯超足料，有香茅，雞，草菇，車厘茄，好香濃的椰汁味道，有點酸又帶點甜。泰式肉碎生菜包肉碎有點失水準，因為肉碎出晒水。原個菠蘿炒飯材料豐富，有腰果，雜豆，提子乾，菠蘿肉，肉鬆，臘腸粒，用原個菠蘿盛載炒飯，菠蘿的香味溶於飯中，菠蘿酸酸甜甜，好開胃馬拉盞炒通菜夠鑊氣，香辣惹味。蝶豆花椰汁糕蝶豆花顏色實在太靚😍😍😍，期待下一次再黎食甜品。餐廳食物味道不會太濃味，適合香港人的口味，而且侍應服務態度好好。