泰邊爐 (已結業)

冇半價都想嚟試，今次見到有半價優惠，下午時段即刻上嚟見識下，呢度環境都算企理乾淨，裝修就普普通通，座位唔擠迫幾舒服，現場播放泰國音樂，增加泰式氣氛，不過洗手間同埋廚房後欄嘅衛生就真係比較差，濕濕笠笠，隨處有廁紙有冇清掃，確係需要改善！食物方面除咗有食物吧枱可以自己拎嘢食，飲品同甜品之外仲有點菜單可以叫一啲肉類，海蝦，鯇魚片同埋蔬菜，選擇都算幾多， 其中在吧枱攞到嘅炸魚皮同蝦片，相當好味，值得一添再添，不過泰式食物就真係冇乜！相反，湯底方面就有泰式嘅選擇例如冬陰公海鮮湯和青咖喱雞湯，不過今次我揀咗椰子雞湯椰子味相當濃，雞肉亦都好滑，不妨考慮試試。飲品就提供罐裝啤酒，果汁和茶之類，任拎任飲。總括嚟講，食物嘅質素係中等，特別值得一讚係蔬菜非常新鮮，無優惠都只收$178，都值回票價。