拳王泰國餐廳 (已結業)

大仔原先安排出去食火鍋慶祝父親節，點知臨時更改去左食泰菜，係銅鑼灣要找間泰菜，都比較難，好彩大仔，想返起，附近有一間，他食過，而且都幾好味道，馬上起行。入到餐廳，到處都擺滿了有關拳賽的勝利物品、電視上正播放著拳賽，牆上掛著明星到來品嚐美食的照片，都是一間明星菜館。牆壁上掛上有關拳賽的用品，好吸引！海南雞，用竹籠盛著雞件，上檯已嗅到濃濃雞香味，再用上湯淋上雞件上，保留了雞肉的溫度，入口䁔和，雞肉嫰滑，清甜，雞油呈啫喱，仲可以飲返湯汁，一點都唔油膩。飛天通菜，配上辣辣地，通菜炒得清翠，爽口，係食唔停口，有鑊氣。木瓜大蝦沙律，食泰菜，點可以唔食沙律呢！木瓜夠清爽鮮甜、大蝦蝦肉爽彈，結實，有嚼口，配上花生、酸辣味，增加食慾。脆炸甘栗薯餅，酥炸得好鬆脆，餡料香甜，粉糯，必食甜品。