泰燒遙 (已結業)

每次晚餐食咩都係由女朋友決定，今日都唔例外。女朋友話想食泰國野，即刻上網搵邊度有泰國菜食！其實泰國野食除左風味之外，海鮮都係泰國野嘅重點之一，今次就試下啦！ 燒蟶子皇 - $45 蟶子皇果然名不虛傳，大大隻嘅蟶子鮮味十足，只係簡單清蒸，唔洗加任何調味已經相當好食，到而家睇返相都勁回味。 泰式小食拼盤- 女朋友成日心多多，咩都想食少少。最中意就係嗌泰式小食拼盤，貪佢咩都有，有豬頸肉、蝦卷、串燒、炸蝦餅。每樣都可以食D又唔怕食唔晒。一次過滿足晒佢唔同願望，唔洗煩！仲要都幾好味，哈哈！ 點完菜之後，Staff 隨即比左兩粒骰仔我地，而家只要擲到孖骰或者圍骰，就有小菜或者現金券送。最勁個個仲要係全單免找數添呀！ 仲有一個都幾引起我地注意既就係個個$99狂歡魚蝦蟹，係泰國潑水節前後，個個星期都有$99海鮮，好似係今2個星期就有$99大肉蟹，下2個星期就有$99大頭蝦，之後再過2個星期就有紅魚或海鱸魚。平時海鮮好少可咁平，真係超值，可以試一試呀。