山葵日本料理

營業中

休息中

一條友放工之後去九龍城搵飯食，突然之間想食魚生飯，發現九龍城唔多日本餐廳。呢間餐廳之前食過午飯覺得都ok，就試下食晚餐啦。餐廳唔算大，位於位之間有啲迫。精選魚生飯($168)有拖羅蓉，牡丹蝦同海膽。拖羅唔算太鮮味，做得蓉都唔會俾靚嘢你。牡丹蝦夠大隻夠鮮甜，海膽唔夠甜但好彩無苦味。仲有甜蛋幾粒，凍凍甜甜。飯分量都算正常，整體不過不失。雜錦天婦羅($78)除咗兩隻蝦之外，仲有茄子，番薯，南瓜，冬菇等。粉漿厚薄正常，不過天婦羅汁比較細碗，要再問店員攞。另外叫咗罐啤酒，可惜唔夠凍，要扣分。