泰廳 (已搬遷) 新店位置

老豆話要學整泰式明爐烏頭，但佢整極都係爭緊少少味道，做仔嘅唯有帶佢出嚟食下，研究下人哋點整，偷下師！元朗好多泰菜我哋都食過，今次就試下呢間泰廳先！兩父子先嚟啤啤佢，冰涼泰象啤清清地每支27蚊。熱辣辣泰式明爐烏頭139蚊，落左好多香料同肉碎，屬開胃菜式酸酸辣辣，我地連湯都飲唔少。嚟多個泰式海鮮沙律 89蚊，有大量粉絲，幾隻青口，魷魚，同蝦，都幾多料，同埋好夠辣！芒果沙冰都幾好，新鮮芒果打成，咁大杯$32蚊！呢度地方坐得幾舒服，2父子食啲野吹下水都唔錯！