泰象館

營業中

休息中

去完泰國無耐,但又泰國菜癮起,唯有九龍城搵食。見到依間泰象館人氣激旺,就一於試下。一上枱見到碟沙律只能夠用澎湃黎形容,好大碟。鰂魚起晒肉再拎去炸,食起黎超方便啖啖肉又香脆,配搭埋酸酸地又爽囗嘅青芒果同帶有少少辣嘅沙律醬汁,超開胃而且送飯亦一流。 經典泰國小食,蝦餅口感彈牙,外皮香脆。魚餅充滿香茅同檸檬葉香味, 十分惹味。幾乎每次見到Menu上有椰菜苗我都一定會點。我最愛就係配上馬拉盞嘅配搭,小小辣夠晒惹味,配上充滿鑊氣但又唔會過老嘅椰菜苗就啱晒。