Greyhound Café (海運大廈)

營業中

休息中

即使唔係成日去曼谷，都一定有聽過呢間泰國名牌 Greyhound Cafe，喺當地嘅熱門食肆，雜誌FORTUNE更加選佢為最熱門餐廳之一，唔少香港名人明星去曼谷都會去朝聖。望穿秋水，終於等到Greyhound Cafe黎香港大展拳腳，第一間喺IFC ，要過海，我哋就唔係成日有機會去試。好彩，佢卒之進軍尖沙咀，平時經過都見到佢人山人海，所以一早早有準備BOOK 定枱。雖然係泰國名牌，但係睇佢嘅MENU就知唔係SELL 傳統泰菜，反而似係FUSION 菜。泰菜我最鐘意嘅係青木瓜沙律係冬蔭公湯，所以每次去試新餐廳，我都一定會點呢兩個菜式。睇其他嘅食評話呢度嘅串燒好得，所以我哋都叫咗一客試，最後就加多一個帶子扁意粉。我個人一向都鐘意食啲偏酸嘅青木瓜沙律，所以呢度就岩晒我口味，又酸又辣，夠晒開胃。冬蔭公我就嫌佢略淡，無乜酸味。個扁意粉其實都OK，最令人失望嘅反而係個串燒，燒得比較乾身，有啲名不符實。