Greyhound Café (國際金融中心) (已結業)

嚟開IFC睇戲正好去試一試泰國過江龍Greyhound。 主要嚟試個凍檸檬茶，因為聽聞d冰都係用茶整架喎。用青檸取代檸檬果然夠哂清新醒神。至於d冰係紅茶味定檸茶味，我真係試唔出，反正overall飲落感覺良好。如果d冰係其他味會仲吸引，例如整香芧味冰粒吖！(發夢)嚟得IFC都預咗貴，一客薄切三文魚配泰式辣汁盛惠$108，辣醬加蒜片味道夠濃,勁開胃，不過一碟得七片，略嫌到喉唔到肺，一個人食好似多咗d, 兩個人食就太少。 相反，炸單骨雞翼唔洗70蚊，但分量十足。或者係因為將雞翼一開二，所以令人有勁大碟嘅錯覺。話說雞翼得返一條骨又幾方便架喎，一來唔驚雞翼中間炸唔熟，二來食得超有儀態的~~叫阿媽抄橋先得，完全推介！其實泰國菜嚟講的確貴咗少少，但係都幾好坐,不失為食tea好地方。