影片
更多
2009-08-06
13 瀏覽
豬流感一役令到好多人認識哩間酒店，經過「閉關7日」，普遍人對佢哋嘅印象都比較正面，我都支持吓佢哋，同太太、朋友去幫襯吓佢個自助晚餐！餐廳晌一樓，對住街景，地方唔算大，但裝修摩登、簡約同望落去感覺新蔟蔟，但稍嫌D位泊得逼咗少少，不過今晚因為人客唔多，所以都可以揀隔住枱哩坐，唔使同隔離枱客咁近。食物區亦都唔算大，但就至少樣樣齊，擺放得夠集中，雖然食物質素方面只屬中等，但都偶有佳作喎，況且二百鬆D，仲要打個75折俾你，折咗啱啱兩舊水搞掂（閒日價），都食得過吓！而且服務又真係唔錯，無論侍應抑或廚房師傅，都幾友善，問佢哋嘢，佢哋都盡量做俾你，唔會諸多藉口依樣唔得嗰樣又唔得，一班人去食嘢，都係尋開心啫，最怕遇到D黑口黑面嘅伙計，掃晒興！講番有D咩嘢食先，中間一張長枱一邊擺咗魚生（4款）、中西式熱盤（約14-15款，包埋輪換）、西湯、麵包；長枱另一邊就擺咗凍海鮮（4款）、沙律、冷盤（5款）、壽司（4款）、生果（5款）；長枱中間高位又放咗D特色小碟（2-3款）。此外，外圍食物枱就放咗自助餐飲、甜品（10-12款）同雪糕（4款），仲有最後一部分係即製檔口，有即煮海鮮、翅湯、窩夫同切肉車！算唔算樣樣整先，
講番有D咩嘢食先，中間一張長枱一邊擺咗魚生（4款）、中西式熱盤（約14-15款，包埋輪換）、西湯、麵包；長枱另一邊就擺咗凍海鮮（4款）、沙律、冷盤（5款）、壽司（4款）、生果（5款）；長枱中間高位又放咗D特色小碟（2-3款）。此外，外圍食物枱就放咗自助餐飲、甜品（10-12款）同雪糕（4款），仲有最後一部分係即製檔口，有即煮海鮮、翅湯、窩夫同切肉車！算唔算樣樣整先，反正樣樣試勻唔使多，少少咁試都飽都暈。好彩次次食Buffet有老婆一齊，樣樣都分哩食，基本上，大部份嘢食都試過晒，正如上面所講，質素方面屬中等，都唔差。
此外，仲有D細心位，好似麵包旁有座烘麵包機，烘麵包嘅特別好食，除一般多穀麥麵包外，又整咗D蒜蓉法包，可惜係個西湯「西蘭花忌廉湯」一般，比較淡口，如果唔係已經係一餐嘅好開始喇！跟住食沙律同冷盤加特色小碟，三色甜椒沙律好味，簡單哩講就係因為D椒好清甜，其他好似鴨胸、蝦咯嗲、凍雞卷……等等都OK！到食魚生同海鮮，魚生有油甘魚、北寄貝、三文同八爪魚，有D自助餐得兩款你揀咋，食落唔腥又點鮮味，而海鮮有蟹腳、翡翠螺、凍蝦同青口，蟹腳一出成日俾隔離枱班師奶搶晒，好彩都不斷番貨，幾樣嘢同出面食開哩比，都比較細隻，尤其D凍青口，真係幾奀吓！輪到熱盤，個人心水係個紅酒燴牛尾同菲佬皮雲吞，前者牛尾香濃入味，後者鍾意佢脆卜卜嘅菲佬皮！不過，全晚推介嘅係即煮「活蝦海鮮湯」，真係活蝦哩，成缸活蝦擺係你面前，你要嘅時間同師傅講，佢就撈隻上哩，加埋鮮帶子、魚肉、鮮貝幫你煮，所有我都唔蝕底前後飲咗兩碗添！食咗咁多嘢，都差唔多啦，到甜品同生果時間，不過，都幾可惜，佢哋嘅甜品好一般，當然係因為我對食甜品有要求，所以先覺得依度嘅甜品質素好一般，不過點好都好，我都有揀哩試，至少知道佢嘅甜品水準去到邊，其實要是你唔係好似我依種甜品狂，佢嘅甜品算唔錯，而雪糕係牛奶公司，最好味都係隻芝麻味！臨尾食生果，都算多款揀，有成5款咁多，出面常見都係西瓜、哈蜜瓜同菠蘿，依度仲有埋蜜瓜同木瓜，所以生果我都自己食咗大半碟，伴多個雪糕球，有益兼幫助消化。又一餐豐富晚餐！
張貼
