影片
更多
2019-08-15
3636 瀏覽
可能大家近期晌地鐵嘅燈箱成日都見到佢哋嘅廣告，最吸引到人喺兩位師傅嘅介紹，一位葉師傅，一位黎師傅。其實，早幾個月前都試過佢哋嘅蛋卷，而仲有大概一個月時間，就喺中秋，專誠走訪吓佢哋尖沙咀店鋪，睇睇有無啲應節新產品。佢哋鋪內嘅裝修都好雅致，入門口右邊，搭番個舊式餅鋪嘅場景，無論啲格仔磚，抑或啲吊扇、燈罩、掛鐘……都甚有五、六十年代嘅味道。最正喺一張大卡板，介紹吓所有應節產品，一目了然，而且，又可以試食吓喎。不過，據店員所講，今年銷情好理想，部份款式已經無貨。而另一邊廂，就喺月餅以外嘅其他產品，如蛋卷、酥餅、酥條、曲奇……等等。流心薑汁白蓮蓉月餅 $378除咗好食，佢哋嘅包裝仲好得體，先喺外層嘅通花剪紙，畫有祥雲月下嘅獅子山，跟住內盒喺以金銅色為主調，透過紙料巧妙精製而做出獨特皮革理紋，非常有品味嘅設計，送禮絕對夠晒體面。打開內盒，標準設定，就喺有啲宣傳資料，包括兩位大師傅嘅介紹，旗下得獎產品嘅介紹……等等。更強調所有月餅100%香港製造，品質保證。仲有，備註大師嘅溫馨提示，最佳食法，就喺預熱焗爐150°C，加熱5分鐘就最好。無焗爐都無問題，以平底鑊預熱1分鐘，再加熱3-5分鐘亦得。上下兩層
佢哋鋪內嘅裝修都好雅致，入門口右邊，搭番個舊式餅鋪嘅場景，無論啲格仔磚，抑或啲吊扇、燈罩、掛鐘……都甚有五、六十年代嘅味道。
最正喺一張大卡板，介紹吓所有應節產品，一目了然，而且，又可以試食吓喎。不過，據店員所講，今年銷情好理想，部份款式已經無貨。
而另一邊廂，就喺月餅以外嘅其他產品，如蛋卷、酥餅、酥條、曲奇……等等。
流心薑汁白蓮蓉月餅 $378除咗好食，佢哋嘅包裝仲好得體，先喺外層嘅通花剪紙，畫有祥雲月下嘅獅子山，跟住內盒喺以金銅色為主調，透過紙料巧妙精製而做出獨特皮革理紋，非常有品味嘅設計，送禮絕對夠晒體面。
打開內盒，標準設定，就喺有啲宣傳資料，包括兩位大師傅嘅介紹，旗下得獎產品嘅介紹……等等。更強調所有月餅100%香港製造，品質保證。
仲有，備註大師嘅溫馨提示，最佳食法，就喺預熱焗爐150°C，加熱5分鐘就最好。無焗爐都無問題，以平底鑊預熱1分鐘，再加熱3-5分鐘亦得。
上下兩層，放有共8個月餅，全獨立包裝，夠晒衞生，不過，依家絕大多數嘅包裝都喺咁樣。
流心薑汁白蓮蓉月餅
34 瀏覽
0 讚好
0 留言
舊年試過佢哋啲奶皇系列產品，果然喺大師級質素，而今次所品嚐嘅白蓮蓉，亦做得有一手，真喺自用送禮都兩佳宜。
張貼
