新陶園海鮮酒家

營業中

休息中

去到流浮山梗係去海鮮檔食海鮮，呢度嘅海鮮新鮮而且經濟，又多選擇，最後去咗劉勝記海鮮檔買海鮮跟住就去咗新陶園烹調。其實都係住喺元朗朋友介紹，有信心保證。今次第二次嚟，一樣做得出色，澳洲龍蝦抵食，芝士焗加伊麵底，大大碟好夠食。豉油王大蝦，蔥蒜豉油好惹味，愛不釋手。蟶子王粉絲底清蒸，滋味無窮。油鹽焗重皮蟹，爆羔之選。清蒸東星班, 魚肉滑溜，有鮮味。陳皮蒸鮑魚，厚肉好味。酥炸生蠔，流浮山必食啦，大大隻又creamy. 對上一次食咗老虎斑, 二食好正。佢哋門口仲有啲小食，有一部份自家製，可以買啲手信返屋企食。