Q Time Cafe

營業中

休息中

今年聖誕節諗好同朋友或者屋企人去邊度食飯未呢👀 我早排試左間餐廳係測魚涌個邊都好有聖誕氣氛，而且仲好適合帶埋小朋友去食架😍我哋食飯個晚餐廳仲有安排到聖誕老人同每枱客人影相，都好有節日氣氛❤️我哋晚餐分別叫左一個香草扒春雞同埋安格斯肉眼牛扒，每個套餐都包埋一個菜湯、沙律🥗，仲有件精選甜品！佢哋嘅蛋糕都係有聖誕裝飾，好睇得黎又好好食！食飽飽都食曬兩款蛋糕😋香草扒春雞同埋安格斯肉眼牛扒兩款都係配薯條🍟 安格斯肉眼牛扒配雜菌汁，比較淡味嘅汁配牛扒就更加食得出牛扒味，牛扒肉質原本都好靚，叫左七成熟牛扒，肉質非常容易切成一口口，肉質又嫩滑份量適中😋雜菌汁都有少少蘑菇，加埋入牛扒一齊食，口感都豐富左！香草燒春雞扒份量都好多，成隻雞髀再加雞胸肉，佢個香草都好香，而且雞俾肉都非常之滑，一啖一啖好快就食晒，佢加埋黑椒汁會令到個雞肉更加香濃！覺得成間餐廳都非常之有心機，見到餐廳仲可以借唔同嘅boardgame去玩，如果係同小朋友去仲有一個細細地嘅遊樂設施比小朋友玩，咁樣就可以屋企人食緊野小朋友又可以有自己嘅時間去玩！