影片
更多
2022-05-17
61 瀏覽
自從轉咗工之後真係好耐冇見過我呢位好🐢🍯，今日終於就到時間一齊做facial，一齊食晚餐，再去行下海傍，所以近近地就去左海運大廈搵食。好耐冇食過紫菜包飯，可能我哋太夜嚟到，冇得試佢個鰻魚紫菜包飯，於是就揀咗個傳統紫菜包飯，但係因為我唔食牛肉，所以會將啲牛肉撩返出嚟，但係我估唔到嘅係就算冇左牛肉，舊紫菜包飯都咁好味。另外我哋就揀咗個泡菜五花肉蛋包飯，就咁睇佢嘅外表淨係見到泡菜。但其實佢將啲五花肉收埋咗喺泡菜入面，估唔到嘅係啲五花肉真係好林，加埋啲泡菜都幾惹味。職員知道我哋其中一個唔食牛肉，都好細心地將牛肉炒飯底轉咗做白飯俾我哋，個白飯配埋泡菜同埋滑蛋都一樣咁好味。另外我覺得今晚勝出嘅係呢個柑橘炸雞，除咗佢個汁酸酸甜甜，好開胃。最重要係佢啲炸雞真係好Juicy，啲粉一啲都唔厚，真係好好味。甜品方面我哋貪得意叫咗個水果忌廉三文治，但係其實我哋已經好飽，佢個三文治啲水果都好甜，但係其實呢個甜品都幾飽肚。另外因為我哋兩個都好鍾意食士多啤梨，所以眼闊肚窄地揀埋個士多啤梨提拉米蘇，甜度剛剛好，加埋酸酸甜甜士多啤梨，確實會擄獲做不少少女心。飲品方面見到台台都叫呢個橘子乳酪，所以我哋都叫咗嚟試吓。佢係用
好耐冇食過紫菜包飯，可能我哋太夜嚟到，冇得試佢個鰻魚紫菜包飯，於是就揀咗個傳統紫菜包飯，但係因為我唔食牛肉，所以會將啲牛肉撩返出嚟，但係我估唔到嘅係就算冇左牛肉，舊紫菜包飯都咁好味。
另外我哋就揀咗個泡菜五花肉蛋包飯，就咁睇佢嘅外表淨係見到泡菜。
但其實佢將啲五花肉收埋咗喺泡菜入面，估唔到嘅係啲五花肉真係好林，加埋啲泡菜都幾惹味。
職員知道我哋其中一個唔食牛肉，都好細心地將牛肉炒飯底轉咗做白飯俾我哋，個白飯配埋泡菜同埋滑蛋都一樣咁好味。
另外我覺得今晚勝出嘅係呢個柑橘炸雞，除咗佢個汁酸酸甜甜，好開胃。
最重要係佢啲炸雞真係好Juicy，啲粉一啲都唔厚，真係好好味。
甜品方面我哋貪得意叫咗個水果忌廉三文治，但係其實我哋已經好飽，佢個三文治啲水果都好甜，但係其實呢個甜品都幾飽肚。
另外因為我哋兩個都好鍾意食士多啤梨，所以眼闊肚窄地揀埋個士多啤梨提拉米蘇，甜度剛剛好，加埋酸酸甜甜士多啤梨，確實會擄獲做不少少女心。
飲品方面見到台台都叫呢個橘子乳酪，所以我哋都叫咗嚟試吓。佢係用新鮮濟州柑橘現榨，所以好健康，唔會太甜，岩岩好。
而我自己就叫咗個熱情金菠蘿沙冰，我估唔到嘅係原來呢杯嘢係紫色，但係未到出奇地好，只係我誤會佢有加熱情果，所以沒有我想像中嘅甜酸感覺。
張貼
