荔香園冰室 (已結業)

荔香園冰室既裝修好有九十年代既感覺，入面仲好多香港既舊照，仲有道綠色既鐵閘😮睇睇餐牌，主要都係賣翻啲港式茶餐廳既菜式，但係傳統得黎又有啲創新！1⃣️皇袍叉燒飯（$58）即係滑蛋叉燒飯。份量好多，滑蛋唔算係好滑，但係有蛋香，同埋夠曬覆蓋到成個飯，淋埋啲甜豉油撈飯食唔錯👍好好既係甜豉油係分開裝，自己鍾意落幾多就落幾多。叉燒有好多片，肥瘦適中😌  2⃣️爆蛋芝士牛肉菠蘿包（$38）菠蘿包就食得多，真係有菠蘿既菠蘿包都係第一次食😂首先菠蘿包面頭夠脆，中間同個底夠鬆軟。入面有太陽蛋、蕃茄、牛肉片、芝士同埋菠蘿。餡料都好多好豐富，一啖絕對食唔曬所有料🤩最吸引我既係隻蛋，一切開，蛋汁流曬落黎🤤冇諗過菠蘿包都可以好似漢堡包咁食。然而呢個組合又真係幾好食wor😍  3⃣️芝士流心厚西多士（$32）西多士炸得好香口，加埋面頭既牛油，同埋糖漿，真係冇得輸。仲要中間夾住兩層既芝士，一切開，就見到啲流心既芝士🤤西多士夠厚、夠脆、夠蛋香，再加埋啲芝士，一個字，正！幾肥都要食！