24
16
8
等級3
47
0
濃味我要😍🍜💕
2020-05-01 1358 瀏覽
好鍾意食車仔麵？貪餸菜可以自由配搭？咁就要試埋呢款雲南湯粉/ 撈粉呢！秘制醬汁撈紅薯粉條以小店嚟講配料選擇都唔少，又可以揀食湯粉/ 撈粉。但如果想試真啲舖頭嘅秘製醬料，就一定要由無湯撈粉入手。秘製醬料走香口野味路線，其實如果佢有樽裝賣，我會買返屋企撈飯食😂。撈粉配料有花生，芹菜，芫茜，葱等等，舖頭對食客要求配料加碼無任歡迎，不過我本身唔太鍾意芹菜同芫茜味，所以走咗呢兩款配料。推介餸菜有豬大腸同蘿蔔，豬大腸洗得好乾淨，醃得好入味亦煮得淋身。蘿蔔大舊抵食，無渣，淡口嘅佢同秘製醬料可以話係完美配搭。佢嘅雞中翼都好好味架，之前試過賣哂叫唔到，可想而知佢幾受歡迎。唯一需要改善嘅地方係舖頭嘅裝修，睇落有啲陳舊，如果鍾意”食裝修”嘅朋友可能會卻步。另外舖頭亦比較細，放唔到太多張枱。由於睇落生意唔錯，成日都好多人等位，有機會嘅希望佢可以搬去大啲嘅舖位啦！☺️
更多
好鍾意食車仔麵？貪餸菜可以自由配搭？咁就要試埋呢款雲南湯粉/ 撈粉呢！
871 瀏覽
2 讚好
0 留言
1177 瀏覽
1 讚好
0 留言
秘制醬汁撈紅薯粉條
以小店嚟講配料選擇都唔少，又可以揀食湯粉/ 撈粉。但如果想試真啲舖頭嘅秘製醬料，就一定要由無湯撈粉入手。
328 瀏覽
0 讚好
0 留言
秘製醬料走香口野味路線，其實如果佢有樽裝賣，我會買返屋企撈飯食😂。撈粉配料有花生，芹菜，芫茜，葱等等，舖頭對食客要求配料加碼無任歡迎，不過我本身唔太鍾意芹菜同芫茜味，所以走咗呢兩款配料。
推介餸菜有豬大腸同蘿蔔，豬大腸洗得好乾淨，醃得好入味亦煮得淋身。蘿蔔大舊抵食，無渣，淡口嘅佢同秘製醬料可以話係完美配搭。佢嘅雞中翼都好好味架，之前試過賣哂叫唔到，可想而知佢幾受歡迎。

唯一需要改善嘅地方係舖頭嘅裝修，睇落有啲陳舊，如果鍾意”食裝修”嘅朋友可能會卻步。另外舖頭亦比較細，放唔到太多張枱。由於睇落生意唔錯，成日都好多人等位，有機會嘅希望佢可以搬去大啲嘅舖位啦！☺️
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐途徑
堂食
推介美食
  • 秘制醬汁撈紅薯粉條