影片
更多
2018-12-16
1072 瀏覽
由於前(14-12-2018 Fri)晚同老公去公司o既BBQ,食得太多肉同熱氣,所以尋(15-12-2018 Sun)日晏晝,就同老公o黎呢o度食素食,出o黎前食o左少少o野,又滯住o左喇,但老公話照食佢o地$38.00 o既5餸套餐.呢日o既5個餸係薑炒時蔬,芙蓉煎蛋,南乳蓮藕,鮮茄薯仔同漢堡扒,湯係南瓜湯,我o地兩個都要少飯.叫完後,兩碗飯首先到o黎,等多一陣,5個餸同湯都到o黎.南瓜湯顏色好靚,味道亦甜,但唔太鹹,唔錯.然後開動喇,先食南乳蓮藕,蓮藕夠腍,南乳味好濃.薑炒時蔬,薑味亦好突出.漢堡扒係豆做o既,味道濃郁,口感OK正常.芙蓉煎蛋冇咩餡,我o個啲係芽菜仔,但我見到我老公o既又唔係,有綠色o既o野,係苦瓜嗎?點解同一種餸會有兩種餡?最後o既鮮茄薯仔呢? 鮮茄好甜,一啲酸味都冇; 薯仔夠腍,OK. 我o地係食唔晒啲餸,但又唔記得帶膠盒出街,於是要俾$1.00攞個外賣盒裝住走.到夜晚，我哋蒸返熱食時，我至食到原來係青燈籠椒。我老公發覺，芙蓉蛋係甜嘅，我都突然醒覺，番茄點會一啲酸味都冇?應該係落多咗糖，有時啲嘢唔好落多咗，尤其是呢間都幾多50歲以上嘅客人幫趁當飯堂。服務:叫完
呢日o既5個餸係薑炒時蔬,芙蓉煎蛋,南乳蓮藕,鮮茄薯仔同漢堡扒,湯係南瓜湯,我o地兩個都要少飯.叫完後,兩碗飯首先到o黎,
等多一陣,5個餸同湯都到o黎.
南瓜湯顏色好靚,味道亦甜,但唔太鹹,唔錯.然後開動喇,先食南乳蓮藕,蓮藕夠腍,南乳味好濃.
薑炒時蔬,薑味亦好突出.
漢堡扒係豆做o既,味道濃郁,口感OK正常.
芙蓉煎蛋冇咩餡,我o個啲係芽菜仔,但我見到我老公o既又唔係,有綠色o既o野,係苦瓜嗎?點解同一種餸會有兩種餡?
最後o既鮮茄薯仔呢? 鮮茄好甜,一啲酸味都冇; 薯仔夠腍,OK.
我o地係食唔晒啲餸,但又唔記得帶膠盒出街,於是要俾$1.00攞個外賣盒裝住走.
到夜晚，我哋蒸返熱食時，我至食到原來係青燈籠椒。
我老公發覺，芙蓉蛋係甜嘅，我都突然醒覺，番茄點會一啲酸味都冇?應該係落多咗糖，有時啲嘢唔好落多咗，尤其是呢間都幾多50歲以上嘅客人幫趁當飯堂。
服務:
叫完o野後,我o地張枱冇水, 老人家主動斟o左半杯水俾我o地.
上文講到,最後我o地要攞個外賣盒裝住食唔晒o既餸走,我老公係同佢o地講要個外賣盒,但唔知係老人家聽唔到定唔記得,冇理由攞一個外賣盒,咁耐都攞唔到.於是叫多一次, 老人家應佢話得,都係未拎.老公心生懷疑同我講,唔係以為我o地叫多一個餐外賣吧?我答唔會o掛,我o地都冇講個’餐’字.老公問,唔通佢講得唔好,應該叫吉盒?
最後,佢o地果然,出個5餸餐o既外賣俾我o地.=.=”我o地答唔係啊,只要個吉盒.佢o地至明白(相信佢o地亦終於明白點解我o地催咁多次).
攪掂後起身走前,想飲啖水濕吓喉,就叫老人家俾壺水,不過佢聽唔到,於是再叫,佢就斟俾我.
而今次佢o地都有改善,入到去,老人家會問客人幾多位,叫o野食個女仔會應人,我相信佢o地係用心經營,繼續努力,俾心機.
4.5分
上次食評: https://www.openrice.com/zh/hongkong/review/%E5%8F%AF%E4%BB%A5%E8%BC%95%E9%A3%9F-e3242456
張貼
